Мувофиқлаштирув йиғилиши (17.11.2025)

17-ноябр, 2025

Сув хўжалиги, сув таъминоти ва канализация масалалари бўйича тармоқ ишчи гуруҳиининг 5-чи йиғилиши

Халқаро конференсия доирасида сув хўжалиги, сув таъминоти ва канализация масалалари бўйича тармоқ ишчи гуруҳининг 5-йиғилиши ўтказилди. Мазкур тадбир давлат органлари, ваколатли идоралар, соҳавий экспертлар ва халқаро ҳамкорлардан иборат тармоқ ишчи гуруҳи аъзоларини бирлаштириб, сув хўжалиги соҳасидаги асосий стратегик ва норматив-ҳуқуқий ташаббуслар муҳокамасига бағишланди.

Йиғилиш иштирокчилари Ўзбекистон Республикасида сув ресурсларини бошқариш ва ирригация секторини ривожлантиришнинг 2025–2028-йилларга мўлжалланган дастурини амалга ошириш масалаларини муҳокама қилди ҳамда унинг устувор йўналишлари ва халқаро донорлар ташаббуслари билан мувофиқлаштириш йўналишларини белгилади. Алоҳида эътибор сувдан фойдаланиш самарадорлигини ошириш, соҳани барқарор молиялаштириш ва аҳолининг тоза сув ва санитарияга киришини таъминлашга қаратилган қўшма лойиҳаларни мувофиқлаштириш масалаларига қаратилди.

Шунингдек, яқинда қабул қилинган Сув соҳасидаги Гендер консепсиясида кўрсатилган мониторинг ва баҳолаш индикаторлари билан боғлиқ масалалар муҳокама қилинди. Иштирокчилар энг яхши амалиётларни жорий қилиш тажрибаси билан ўртоқлашди ва мамлакатда сув ресурсларини бошқариш, сув таъминоти ва санитария соҳасида гендер тенглигини таъминлаш бўйича кейинги қадамларни белгилади.

Йиғилишда Зокир Ишпулатов, сув хўжалиги вазирининг биринчи ўринбосари ва Тармоқ ишчи гуруҳи ҳамраиси, Озода Жураева, Қурилиш ва уй-жой коммунал хизмат кўрсатиш вазирининг ўринбосари, Нодир Хўжамов, АЖ «Ўзсувтаъминот» бошқаруви раиси ўринбосари ва Андрин Финк, Тармоқ ишчи гуруҳини ривожлантириш бўйича етакчи ҳамкор, Швейцария элчихонаси миссияси раҳбарининг ўринбосари иштирок этди.

Йиғилиш давлат органлари ва халқаро ҳамкорлар ўртасида ҳамкорликни мустаҳкамлаш, инновацион ечимларни илгари суриш ва Ўзбекистонда сув ресурсларини самарали бошқариш учун платформа яратади.