Марказ мувофиқлаштираётган халқаро лойиҳалар, уларнинг мақсади, ҳудуди ва молиявий манбалари.
19 та лойиҳа
Лойиҳа 315 минг гектар ернинг сув таъминотини яхшилашни мақсад қилган.
Лойиҳа Элликқалъа, Беруний ва Тўрткўл туманларидаги жами 100 минг гектар суғориладиган ер майдонларида сув ресурсларини бошқаришни такомиллаштиришни мақсад қилган.
Лойиҳа 103,4 минг гектар суғориладиган майдоннинг сув таъминотини яхшилашни мақсад қилган.
Лойиҳанинг асосий мақсади ўқув фаолияти бўйича тажрибаларни умумлаштириш, тренерларни тайёрлаш, Марказий Осиё мамлакатларида фойдаланиш учун тўртта йўналиш бўйича ўқув модулларини ишлаб чиқиш, сув соҳаси мутахассисларининг мунтазам малакасини ошириш тизимини шакллантириш ҳамда Орол денгизи ҳавзасини бошқариш моделини (ОДҲММ) такомиллаштиришдан иборат.
Лойиҳа Корея халқаро ҳамкорлик агентлиги (КОИКА) томонидан 2016–2020-йилларда амалга оширилган лойиҳанинг давоми бўлиб, илғор сув ахборот тизимини янада ривожлантириш ҳамда уни танланган ҳудудлардаги СМАРТ ҳавза бошқаруви тизимлари билан интеграция қилишга қаратилган.
Лойиҳанинг мақсади — Зарафшон дарёси ҳавзаси учун сув ресурсларини интеграциялашган бошқариш (СРИБ) ва сувни тежаш режасини ишлаб чиқиш, сув соҳасидаги қонунчилик ва норматив-ҳуқуқий базани такомиллаштириш, шунингдек, сув ресурсларини бошқариш масалаларини тегишли тармоқлараро тузилмалар фаолиятига интеграция қилишни қўллаб-қувватлашдан иборат.
Лойиҳанинг асосий мақсади — Қашқадарё вилоятидаги 392 минг гектар ҳамда Туркманистондаги 10 минг гектар, жами 402 минг гектар майдоннинг сув таъминотини яхшилаш.
Лойиҳанинг умумий мақсади — сув билан боғлиқ табиий офатлар хавфининг олдини олиш ва уларга тайёргарликни ҳисобга олган ҳолда сув ресурсларини комплекс, шаффоф ва эҳтиёжларга асосланган тарзда бошқаришни ривожлантириш.
Лойиҳанинг умумий мақсади — сув ресурсларини бошқариш самарадорлигини ошириш орқали хавфсиз турмуш шароити, экологик барқарорлик ва ижтимоий ҳамжиҳатликка кўмаклашиш ҳамда Фарғона водийси мисолида Марказий Осиё мамлакатларида қишлоқ ҳудудларини ривожлантиришни қўллаб-қувватлаш.
Лойиҳанинг мақсади: Ўзбекистонда ахборот-коммуникация технологиялари (АКТ) асосида сув ресурсларини мониторинг қилиш тизимини ривожлантириш бўйича Мастер-режани ишлаб чиқиш ҳамда сув ресурсларини бошқариш бўйича ягона маълумотлар базасини яратиш.
Лойиҳанинг мақсади. Амударёнинг қуйи оқимида — Ўзбекистоннинг Хоразм вилояти ва Қорақалпоғистон Республикаси, шунингдек, Туркманистоннинг Дашогуз вилоятида ҳамда Сирдарёнинг қуйи оқимида — Қозоғистоннинг Қизилўрда вилоятида сув ресурсларини интеграциялашган бошқариш (СРИБ) тизимини қўллаб-қувватлаш ва ривожлантириш, шунингдек, миллий ва халқаро даражада сув соҳасидаги ҳамкорликни ривожлантириш бўйича батафсил режани ишлаб чиқиш.
Лойиҳанинг асосий вазифалари миллий, ҳавзавий ва фермер хўжаликлари даражасида сув ресурсларини бошқариш бўйича институционал ва техник салоҳиятни мустаҳкамлаш, шунингдек, сув ва бошқа тегишли ресурслардан оқилона фойдаланиш бўйича хабардорликни оширишдан иборат.
Лойиҳанинг мақсади — лойиҳа ҳудудларида ер ости сувлари сатҳининг юқорилиги ва тупроқ шўрланиши билан боғлиқ муаммоларни бартараф этиш орқали қишлоқ хўжалиги маҳсулотлари ишлаб чиқаришни яхшилаш, шунингдек, ботқоқланиш оқибатида уй-жойлар ва инфратузилмага етказиладиган зарарни камайтириш.
Суғориш тармоқларини қайта тиклаш, коллектор-дренаж тизимларини янгилаш ва сув ҳисоби ускуналарини ўрнатиш.
Геоахборот тизимлари, масофадан мониторинг ва сув тақсимотини автоматлаштирилган бошқариш платформасини жорий этиш.
Трансчегаравий ҳавзаларда маълумот алмашиш, қўшма мониторинг ва музокара салоҳиятини мустаҳкамлаш.
Томчилатиб ва ёмғирлатиб суғориш тизимларини фермер хўжаликларида жорий этиш ҳамда субсидия механизмини такомиллаштириш.
«Сувчилар мактаби» ўқув дастурларини янгилаш, халқаро амалиёт алмашинуви ва онлайн курслар платформаси.
Ер мелиорацияси, ўрмон экиш ва маҳаллий жамоалар учун сув таъминоти ечимларини бирлаштирган комплекс дастур.
