Лойиҳа 315 минг гектар ернинг сув таъминотини яхшилашни мақсад қилган.
Лойиҳанинг асосий мақсади — 315 минг гектар ернинг сув таъминотини яхшилаш, шу жумладан Бухоро вилоятида 275,0 минг гектар ва Навоий вилоятида 40,0 минг гектар ер майдонини сув билан таъминлаш.
Лойиҳа ҳудуди: Бухоро вилоятининг Когон ва Олот туманлари, Навоий вилоятининг Қизилтепа тумани.
Лойиҳанинг умумий қиймати: 406,29 миллион АҚШ доллари.
Шундан:
ОТБ кредит маблағлари — 216,75 миллион АҚШ доллари;
JICA кредит маблағлари — 11 872 миллион ЖПЙ (108,97 миллион АҚШ доллари);
Ўзбекистон Республикасининг ҳиссаси — 80,56 миллион АҚШ доллари.
Лойиҳани амалга ошириш муддати: 2014–2020-йиллар.
Лойиҳа натижасида:
- янги “Аму-Бухоро-И” насос стансияси қурилади;
- 4 та насос стансияси реконструксия қилинади ва жисмонан эскирган насос агрегатлари ўрнига 60 та янги насос агрегати ўрнатилади;
- электр энергиясининг йиллик истеъмолини қисқартириш ҳисобига 5,56 миллион АҚШ доллари миқдорида маблағ тежалади.
Лойиҳа доирасида 3 та намойиш майдонида 6 та пакет амалга оширилди. Шундан 4 та пакет ва 3 та намойиш майдони ОТБ кредит маблағлари, 2 та пакет эса JICA кредит маблағлари ҳисобидан молиялаштирилди.
Лойиҳа доирасида барча 6 та қурилиш шартномаси бўйича пудратчилар аниқланди ва тегишли шартномалар имзоланди. “Фермер хўжалигидан ташқари ва хўжалик ичидаги суғориш тизимларини тиклаш” шартномаси бўйича қурилиш ишлари якунланиб, обйект доимий фойдаланишга топширилди.
2018-йилда 12,0 миллион АҚШ доллари миқдоридаги маблағ ўзлаштирилди ва ускуналар учун зарур эҳтиёт қисмлар етказиб берилди. Обйектларда батафсил лойиҳалаш ишлари якунланди. Қурилиш-монтаж ишлари доирасида 26,30 минг м³ тупроқ ишлари ва 3,98 минг м³ бетон ишлари бажарилди.
2019-йилда 62,9 миллион АҚШ доллари миқдоридаги маблағ ўзлаштирилди. “Аму-Бухоро-И янги насос стансиясини қуриш”, “Қизилтепа-И насос стансиясини реконструксия қилиш” ва “Аму-Бухоро-ИИ насос стансиясини реконструксия қилиш” лойиҳалари бўйича пудратчилар аниқланди ва шартномалар имзоланди.
Ўрнатилиши режалаштирилган 16 та насос агрегати қурилиш майдонларига етказиб берилди, шундан 10 таси ўрнатилди. 104,69 минг м³ тупроқ ишлари ва 3,97 минг м³ бетон ишлари якунланди.
Лойиҳа Элликқалъа, Беруний ва Тўрткўл туманларидаги жами 100 минг гектар суғориладиган ер майдонларида сув ресурсларини бошқаришни такомиллаштиришни мақсад қилган.
Лойиҳа 103,4 минг гектар суғориладиган майдоннинг сув таъминотини яхшилашни мақсад қилган.
Лойиҳанинг асосий мақсади ўқув фаолияти бўйича тажрибаларни умумлаштириш, тренерларни тайёрлаш, Марказий Осиё мамлакатларида фойдаланиш учун тўртта йўналиш бўйича ўқув модулларини ишлаб чиқиш, сув соҳаси мутахассисларининг мунтазам малакасини ошириш тизимини шакллантириш ҳамда Орол денгизи ҳавзасини бошқариш моделини (ОДҲММ) такомиллаштиришдан иборат.
