Loyiha 315 ming gektar yerning suv ta’minotini yaxshilashni maqsad qilgan.
Loyihaning asosiy maqsadi — 315 ming gektar yerning suv ta’minotini yaxshilash, shu jumladan Buxoro viloyatida 275,0 ming gektar va Navoiy viloyatida 40,0 ming gektar yer maydonini suv bilan ta’minlash.
Loyiha hududi: Buxoro viloyatining Kogon va Olot tumanlari, Navoiy viloyatining Qiziltepa tumani.
Loyihaning umumiy qiymati: 406,29 million AQSh dollari.
Shundan:
OTB kredit mablagʻlari — 216,75 million AQSh dollari;
JICA kredit mablagʻlari — 11 872 million JPY (108,97 million AQSh dollari);
Oʻzbekiston Respublikasining hissasi — 80,56 million AQSh dollari.
Loyihani amalga oshirish muddati: 2014–2020-yillar.
Loyiha natijasida:
- yangi “Amu-Buxoro-I” nasos stansiyasi quriladi;
- 4 ta nasos stansiyasi rekonstruksiya qilinadi va jismonan eskirgan nasos agregatlari oʻrniga 60 ta yangi nasos agregati oʻrnatiladi;
- elektr energiyasining yillik iste’molini qisqartirish hisobiga 5,56 million AQSh dollari miqdorida mablagʻ tejaladi.
Loyiha doirasida 3 ta namoyish maydonida 6 ta paket amalga oshirildi. Shundan 4 ta paket va 3 ta namoyish maydoni OTB kredit mablagʻlari, 2 ta paket esa JICA kredit mablagʻlari hisobidan moliyalashtirildi.
Loyiha doirasida barcha 6 ta qurilish shartnomasi boʻyicha pudratchilar aniqlandi va tegishli shartnomalar imzolandi. “Fermer xoʻjaligidan tashqari va xoʻjalik ichidagi sugʻorish tizimlarini tiklash” shartnomasi boʻyicha qurilish ishlari yakunlanib, obyekt doimiy foydalanishga topshirildi.
2018-yilda 12,0 million AQSh dollari miqdoridagi mablagʻ oʻzlashtirildi va uskunalar uchun zarur ehtiyot qismlar yetkazib berildi. Obyektlarda batafsil loyihalash ishlari yakunlandi. Qurilish-montaj ishlari doirasida 26,30 ming m³ tuproq ishlari va 3,98 ming m³ beton ishlari bajarildi.
2019-yilda 62,9 million AQSh dollari miqdoridagi mablagʻ oʻzlashtirildi. “Amu-Buxoro-I yangi nasos stansiyasini qurish”, “Qiziltepa-I nasos stansiyasini rekonstruksiya qilish” va “Amu-Buxoro-II nasos stansiyasini rekonstruksiya qilish” loyihalari boʻyicha pudratchilar aniqlandi va shartnomalar imzolandi.
Oʻrnatilishi rejalashtirilgan 16 ta nasos agregati qurilish maydonlariga yetkazib berildi, shundan 10 tasi oʻrnatildi. 104,69 ming m³ tuproq ishlari va 3,97 ming m³ beton ishlari yakunlandi.
Loyiha Ellikqal’a, Beruniy va Toʻrtkoʻl tumanlaridagi jami 100 ming gektar sugʻoriladigan yer maydonlarida suv resurslarini boshqarishni takomillashtirishni maqsad qilgan.
Loyiha 103,4 ming gektar sugʻoriladigan maydonning suv ta’minotini yaxshilashni maqsad qilgan.
Loyihaning asosiy maqsadi oʻquv faoliyati boʻyicha tajribalarni umumlashtirish, trenerlarni tayyorlash, Markaziy Osiyo mamlakatlarida foydalanish uchun toʻrtta yoʻnalish boʻyicha oʻquv modullarini ishlab chiqish, suv sohasi mutaxassislarining muntazam malakasini oshirish tizimini shakllantirish hamda Orol dengizi havzasini boshqarish modelini (ODHMM) takomillashtirishdan iborat.
