Markaz muvofiqlashtirayotgan xalqaro loyihalar, ularning maqsadi, hududi va moliyaviy manbalari.
19 ta loyiha
Loyiha 315 ming gektar yerning suv ta’minotini yaxshilashni maqsad qilgan.
Loyiha Ellikqal’a, Beruniy va Toʻrtkoʻl tumanlaridagi jami 100 ming gektar sugʻoriladigan yer maydonlarida suv resurslarini boshqarishni takomillashtirishni maqsad qilgan.
Loyiha 103,4 ming gektar sugʻoriladigan maydonning suv ta’minotini yaxshilashni maqsad qilgan.
Loyihaning asosiy maqsadi oʻquv faoliyati boʻyicha tajribalarni umumlashtirish, trenerlarni tayyorlash, Markaziy Osiyo mamlakatlarida foydalanish uchun toʻrtta yoʻnalish boʻyicha oʻquv modullarini ishlab chiqish, suv sohasi mutaxassislarining muntazam malakasini oshirish tizimini shakllantirish hamda Orol dengizi havzasini boshqarish modelini (ODHMM) takomillashtirishdan iborat.
Loyiha Koreya xalqaro hamkorlik agentligi (KOICA) tomonidan 2016–2020-yillarda amalga oshirilgan loyihaning davomi boʻlib, ilgʻor suv axborot tizimini yanada rivojlantirish hamda uni tanlangan hududlardagi SMART havza boshqaruvi tizimlari bilan integratsiya qilishga qaratilgan.
Loyihaning maqsadi — Zarafshon daryosi havzasi uchun suv resurslarini integratsiyalashgan boshqarish (SRIB) va suvni tejash rejasini ishlab chiqish, suv sohasidagi qonunchilik va normativ-huquqiy bazani takomillashtirish, shuningdek, suv resurslarini boshqarish masalalarini tegishli tarmoqlararo tuzilmalar faoliyatiga integratsiya qilishni qoʻllab-quvvatlashdan iborat.
Loyihaning asosiy maqsadi — Qashqadaryo viloyatidagi 392 ming gektar hamda Turkmanistondagi 10 ming gektar, jami 402 ming gektar maydonning suv ta’minotini yaxshilash.
Loyihaning umumiy maqsadi — suv bilan bogʻliq tabiiy ofatlar xavfining oldini olish va ularga tayyorgarlikni hisobga olgan holda suv resurslarini kompleks, shaffof va ehtiyojlarga asoslangan tarzda boshqarishni rivojlantirish.
Loyihaning umumiy maqsadi — suv resurslarini boshqarish samaradorligini oshirish orqali xavfsiz turmush sharoiti, ekologik barqarorlik va ijtimoiy hamjihatlikka koʻmaklashish hamda Fargʻona vodiysi misolida Markaziy Osiyo mamlakatlarida qishloq hududlarini rivojlantirishni qoʻllab-quvvatlash.
Loyihaning maqsadi: Oʻzbekistonda axborot-kommunikatsiya texnologiyalari (AKT) asosida suv resurslarini monitoring qilish tizimini rivojlantirish boʻyicha Master-rejani ishlab chiqish hamda suv resurslarini boshqarish boʻyicha yagona ma’lumotlar bazasini yaratish.
Loyihaning maqsadi. Amudaryoning quyi oqimida — Oʻzbekistonning Xorazm viloyati va Qoraqalpogʻiston Respublikasi, shuningdek, Turkmanistonning Dashoguz viloyatida hamda Sirdaryoning quyi oqimida — Qozogʻistonning Qiziloʻrda viloyatida suv resurslarini integratsiyalashgan boshqarish (SRIB) tizimini qoʻllab-quvvatlash va rivojlantirish, shuningdek, milliy va xalqaro darajada suv sohasidagi hamkorlikni rivojlantirish boʻyicha batafsil rejani ishlab chiqish.
Loyihaning asosiy vazifalari milliy, havzaviy va fermer xoʻjaliklari darajasida suv resurslarini boshqarish boʻyicha institutsional va texnik salohiyatni mustahkamlash, shuningdek, suv va boshqa tegishli resurslardan oqilona foydalanish boʻyicha xabardorlikni oshirishdan iborat.
Loyihaning maqsadi — loyiha hududlarida yer osti suvlari sathining yuqoriligi va tuproq shoʻrlanishi bilan bogʻliq muammolarni bartaraf etish orqali qishloq xoʻjaligi mahsulotlari ishlab chiqarishni yaxshilash, shuningdek, botqoqlanish oqibatida uy-joylar va infratuzilmaga yetkaziladigan zararni kamaytirish.
Sugʻorish tarmoqlarini qayta tiklash, kollektor-drenaj tizimlarini yangilash va suv hisobi uskunalarini oʻrnatish.
Geoaxborot tizimlari, masofadan monitoring va suv taqsimotini avtomatlashtirilgan boshqarish platformasini joriy etish.
Transchegaraviy havzalarda ma'lumot almashish, qoʻshma monitoring va muzokara salohiyatini mustahkamlash.
Tomchilatib va yomgʻirlatib sugʻorish tizimlarini fermer xoʻjaliklarida joriy etish hamda subsidiya mexanizmini takomillashtirish.
«Suvchilar maktabi» oʻquv dasturlarini yangilash, xalqaro amaliyot almashinuvi va onlayn kurslar platformasi.
Yer melioratsiyasi, oʻrmon ekish va mahalliy jamoalar uchun suv ta'minoti yechimlarini birlashtirgan kompleks dastur.
